სამართლებრივი ბრძოლა “რუსთავი -2″ის დასაბრუნებლად


სამაუწყებლო კომპანია “რუსთავი2″-ს ერთი ერთი მეწილე, ქიბარ ხალვაში სამართლებრივ ბრძოლას კიდევ ერთხელ იწყებს და არხის დაბრუნებას გეგმავს.
როგორც ბიზნესმენის ადვოკატებმა განაცხადეს, აღნიშნული მოთხოვნით სასამართლოში სარჩელი შევიდა, რომლის თანახმად, მომჩივანი მხარე, ყველა მოქმედი მეწილის ანგარიშების დაყადაღებას ითხოვს, რათა არ მოხდეს არხის გასხვისება, ვინაიდან მათი ინფორმაციით, კვლავ იგეგმება ტელევიზიის წილების გაყიდვა.
"მეშვიდე წელია, რაც ბიზნესმენი ქიბარ ხალვაში მის მიმართ განხორციელებული ძალადობისა და საკუთრების ხელყოფის ფაქტზე ამაოდ ითხოვს გამოძიების დაწყებას საქართველოს პროკურატურისგან. ბიზნესმენის კანონიერი მოთხოვნის უგულვებელყოფა მოსალოდნელი და გასაგები იყო სააკაშვილის რეჟიმის დროს, თუმცა 2012 წლის არჩევნებიდან 3 წლის თავზე გაუგებარია ახალი ხელისუფლების უმოქმედობა. უკვე აშკარა გახდა, რომ დღევანდელი ხელისუფლება ვერ ასრულებს მის მიერ წინასაარჩევნო პერიოდში გაცემულ დაპირებას სამართლიანობის აღდგენასთან და უკანონოდ ჩამორთმეული ქონების რესტიტუციასთან დაკავშირებით", - განაცხადა პრესკონფერენციაზე პაატა სალიამ.
ქიბარ ხალვაშის განცხადებით, არხის დაბრუნების შემთხვევაში დასაქმებულ ჟურნალისტებს საუკეთესო სამუშაო პირობები ექნებათ.
წყარო: vinews.ge
იშრომა alfa, 7-08-2015, 04:54


[desktop][/desktop]