როგორ ყიდიან ეგვიპტელები არასრულწლოვან ქალიშვილებს მდიდარ ტურისტებზე


როგორ ყიდიან ეგვიპტელები არასრულწლოვან ქალიშვილებს მდიდარ ტურისტებზე


„ალ-არაბიას“ ფურცლებზე დაიწერა საინტერესო სტატია „ზაფხულის ცოლების“ ეგვიპტურ ფენომენზე - არასრულწლოვან გოგონებზე, რომელთაც სექსუალური მონობისთვის სწირავენ მათივე ოჯახები.
გოგონებს ფიქტიურად აქორწინებენ მდიდარ ტურისტებზე - ოჯახი იღებს 495 დოლარიდან 4950 დოლარამდე. ამ ეგრეთ წოდებულ “ქორწინებას“თან ახლავს გოგონას დაბადების მოწმობა და სხვა მსგავსი ცნობები.

ყველაზე ხშირად კლიენტები არიან მდიდარი არაბი ტურისტები. დროებით ცოლებს სტუმრებს სთავაზობენ თვით გოგონას ოჯახები ისე, რომ ამის შესახებ არ აგებინებენ შვილებს. ხშირად სექსუალურ მონას ალალად მიაჩნია ტურისტი თავის ქმრად და მისი გამგზავრება დიდ განსაცდელში აგდებს ხოლმე.

თუმცა არსებობენ ისეთი გოგონებიც, რომლებიც შეგნებულად მიდიან „ზაფხულის ქორწინებაზე“, ოჯახის დასახმარებლად.

კანონის თანახმად უცხოელი ვერ დაქორწინდება ეგვიპტელზე, თუკი სხვაობა ასაკში 10 წელზე მეტია. ამას გარდა, წყვილი ვერ დაბინავდება სასტუმროში ქორწინების მოწმობის გარეშე. ამ ბიორაკრატიულ წინაღობებს „ზაფხულის ქორწინებების“ ორგანიზატორები იოლად ლახავენ - საჭირო ცნობებს აყალბებენ და შედეგად ტურისტი „ზაფხულის ცოლის“ მიზეზით არავითარი პასუხისმგებლობის წინაშე არ დგება, რადგან ქორწინებას არ გააჩნია იურიდიული ძალა.

თუ „ზაფხულის ქორწინების“ შედეგად იბადებიან ბავშვები, ისინი ავსებენ ეგვიპტეში არსებულ ათასობით უპატრონო ბავშვთა რიგებს. რაც შეეხება თვით გოგონების მომავალს - „ზაფხულის ცოლებს“ ემუქრებათ საზოგადოებისაგან გარიყვა და შემდგომში იაფფასიანი მეძავობის პერსპექტივა.

www.presa.ge
იშრომა Admin1, 18-06-2014, 12:05


[desktop][/desktop]