ცსკ–ის 17:00 საათის წინასწარი მონაცემები


ცენტრალური საარჩევნო კომისიის 17:00 საათისთვის არსებული წინასწარი მონაცემებით, თბილისში ადგილობრივი თვითმმართველობის არჩევნების მეორე ტური გაიმართება.

ცენტრალური საარჩევნო კომისიის საიტზე გამოქვეყნებული ოფიციალური მონაცემების თანახმად, კოალიცია „ქართული ოცნებიდან“ თბილისის მერობის კანდიდატმა დავით ნარმანიამ ხმების 46.11% მიიღო, „ნაციონალური მოძრაობიდან“ ნიკა მელიამ კი - 27.94%.

09:00 საათზე გამოქვეყნებულ მონაცემებთან შედარებით, ნარმანიას პროცენტულმა მაჩვენებელმა 0,16%-ით დაიკლო, მელიას მაჩვენებელმა კი 0,65%-ით მოიმატა.

17:00 საათისთვის ცსკ-ს თბილისის 729 უბნიდან 713 უბნის მონაცემები აქვს (97.81%) დათვლილი.

რაც შეეხება მერობის სხვა კანდიდატებს, დიმიტრი ლორთქიფანიძემ ხმების 12.81% მიიღო, ირმა ინაშვილმა - 5.36%, ასმათ ტყაბლაძემ - 2.44%, კახა კუკავამ - 2.32%, გიორგი გაჩეჩილაძემ 1.14%. დანარჩენმა შვიდმა კანდიდატმა კი ხმების საერთო რაოდენობის 1%-ზე დაბალი მიიღეს.
იშრომა Admin1, 17-06-2014, 06:45


[desktop][/desktop]