მაჭავარიანი: წარმოდგენა არა აქვს, გაგებაში არ არის, უნიათობასთან ერთად არაკომპეტენტურია პრემიერმინისტრი


უმცირესობის დეპუტატი მიხეილ მაჭავარიანი "არჩევანის" ეთერში ბოლო დროს ლარის მკვეთრ გაუფასურებასთან დაკავშირებით საურობს და აცხადებს, რომ ხელისუფლება ატყუებდა ხალხს, როდესაც ეუბნებოდა, რომ რუსეთის ბაზარი გადაგვარჩენს

"ეს არის შედეგი იმ უნიათო, არასწორი, არაკომპეტენტური პოლიტიკისა, რასაც საქართველოს მთავრობა აწარმოებდა საქართველოს ეკონომიკის მიმართ. ეს ადამიანები იყვნენ არაკომპეტენტურები, მათ წარმოედგინათ, რომ ქვეყანაში ძალიან მარტივი იქნებოდა იმ ტენდენციების გაგრძელება, რაც მანამდე არსებობდა. საქართველოში ძალიან დინამიურად ვითარდებოდა ეკონომიკური პროცესები, მთლიანი შიდა პროდუქტი იზრდებოდა, ინვესტიციები იზრდებოდა და ამ ბატონებს, რომლებსაც წარმოდგენა არა აქვთ კომპეტენციაზე, წარმოედგინათ, რომ ეს ყველაფერი ესე გაგრძელდებოდა და ამ არასწორი ჩარევებით, როდესაც შეაჩერეს ფაქტიურად პრივატიზაცია, დიდი წერტილი დაუსვეს და თქვეს, რომ არაფერს აღარ გავყიდით, სავიზო რეგულაციები, რომელმაც ძალიან დიდი პრობლემები შეუქმნა ინვესტორებს, ტურისტებს და მთლიანად ქვეყანას, სასოფლო-სამეურნეო მიწაზე დაწესებული რეგულაციები და რაც მთავარია არასწორი პოლიტიკა.

არასწორი ორიენტაცია რუსულ ბაზარზე, ბაზარზე, რომელიც სრულიად პოლიტიზირებულია და ეს ადამიანები ატყუებდნენ მოსახლეობას და ეუბნებოდნენ, რომ რუსეთის ბაზარი გადაგვარჩენს. სულ რუსული ბაზრიდან შემოსავლები 2014 წელს იყო 240 მილიონი.

წარმოდგენა არა აქვს, გაგებაში არ არის, უნიათობასთან ერთად არაკომპეტენტურია პრემიერმინისტრი, რომელსაც ეკონომიკური პრობლემა კი არ აწუხებს, მისთვის მთავარია, რომ "ნაციონალური მოძრაობის" წევრები ციხეში ჩასვას და ასე ებრძოლოს ოპოზიციას. არანაირი ხედვა არა აქვს ჩვენს მთავრობა, როგორ გამოვიდეს ამ მდგომარეობიდან",-განაცხადა მაჭავარიანმა.
მაჭავარიანი: წარმოდგენა არა აქვს, გაგებაში არ არის, უნიათობასთან ერთად არაკომპეტენტურია პრემიერმინისტრი

იშრომა filesadmin, 22-09-2015, 15:51


[desktop][/desktop]