"ბიძინა ივანიშვილი „აბაროტის“ აღებას საკუთარი გუნდის წევრებისგან დაიწყებს"


„კვირის ქრონიკა“ დაინტერესდა, რას აპირებს ბიძინა ივანიშვილი, რა ხდება მის ორბიტაზე, როგორ აფასებს ქვეყანაში შექმნილ ვითარებას და რაში ხედავს გამოსავალს?

"რამდენიმე წყაროსთან გადამოწმების შედეგად გავარკვიეთ, რომ პოლიტიკოსთა და საზოგადო მოღვაწეთა კონკრეტული ჯგუფი აპირებს, შეხვდეს ბიძინა ივანიშვილს და კი არ სთხოვონ, მოსთხოვონ პოლიტიკაში ღიად დაბრუნება. ბოლო პერიოდში ამის რამდენიმე მცდელობა ყოფილა. განსახვავევით წინა შეხვედრებისგან, ივანიშვილი ჯიუტ უარზე აღარ არის, თანხმობას ღიად არ აცხადებს, თუმცა ამ მოთხოვნას, რომ ღიად დაბრუნდეს პოლიტიკაში - დუმილით ხვდება. ის ახლა ფიქრის პროცესშია, დიდი ალბათობით პოლიტიკაში დაბრუნების გადაწყვეტილებას მიიღებს - მისი დუმილი, ფაქტობრივად თანხმობის ნიშანია. ბიძინა ივანიშილის პოლიტიკაში ღიად დაბრუნების მთავარი ფაქტორი, როგორც ჩანს, კვლავ მისი შვილი უტაა. გასული კვირის დასაწყისში უტა ივანიშვილთან აქტიური საუბრები მიდოდა, რამენაირად დაერწუმებინათ, რომ პოლიტიკაში შემოსულიყო და „ქართული ოცნების“ სიის პირველი ნომერი გამხდარიყო.

ივანიშვილმა საკუთარი შვილისგან კატეგორიული უარი მიიღო. როგორც ამბობენ, ვირზე შეჯდა და არ გადმოვიდა, პოლიტიკაში მე არაფერი მესაქმება და ჩემს მომავალს სხვა სფეროში ვხედავ, ამის არც ასაკი მაქვს, არც გამოცდილებაო. სწორედ უტას უთქვამს მამამისისთვის, შენ აიღე პასუხისმგებლობა ამ ხალხი წინაშე და შენვე უნდა დაბრუნდე პოლიტიკაში, ვალდებულებები ბოლომდე უნდა შეასრულო და ამ ხალხს იმედი არ უნდა გააწბილოო, უკეთესი მომავლის ოცნება არ უნდა დაუმსხვრიოო.

როცა ქვეყნას უჭირდა, მაშინ გითხარი, რომ შესულიყავი პოლიტიკაში, გადაგერჩინა და გეხსნა ხალხი სააკაშვილის რეჟიმისგან, ახლაც გეუბნები, რომ ამ ხალხს შველა სჭირდება და შენვე უნდა მიხედოო....

როგორც გითხარით ივანიშვილი „აბაროტის“ აღებას საკუთარი გუნდის წევრებისგან დაიწყებს. ჩვენი ინფორმაციით, ივანიშვილი გაბრაზებას ვერ მალავს ზოგიერთი მინისტრის მისამართით. რამდენიმე დღის წინ ენერგეტიკის მინისტრთან, კახა კალაძესთან მას დაძაბული საუბარი ჰქონია, - კალაძისთვის გაბრაზებულს უთქვამს, ამის დედა ვატირე, რას გადაგვაყოლე ამ შენს ბიზნესსა და პირად ინტერესებს, რით ვერ დაკმაყოფილდი, რა გინდა? სხვაგან გაზი იაფდება, შენ აძვირებ, მე ვიცი, ამას რატომაც აკეთებ - ელექტროენერგიასა და გაზზე ტარიფები იმიტომ გაზარდეთ, რომ ხალხმა „ნესკრაჰესისა“ და „ხუდონჰესის“ მშენებლობა არ გააპროტესტოს, სადაც შენი ინტერესებია ჩადებული და ეს საკითხი ტარიფების გაზრდის გზით გაიტანე.

ხალხი იმ იმედით დაგნებდა დენი გაგვიიაფდება, დავსაქმდებით და ჯანდაბას, ბედს შევეგუებითო... შენ შეგეძლო ამ ხალხის დარწმუნება ისე, რომ ტარიფი არ გაგეძვირებინა და ეს ხალხი არ გაგეგიჟებინა, მაგრამ ყველა თქვენს თავზე ფიქრობთ და კერძო ინტერესები გაქვთო... ივანიშვილს უთქვამს, ჩვენი ხელისუფლების ზოგიერთ წარმომადგენელს ეტყობა, რომ კონკრეტულ თემაზეა გადართული, ვერ ვხედავ, რომ ქვეყნაში შექმნილი პრობლემები გადარდებდეთ და კრიზისიდან გამოყვანის გზებზე ფიქრობდეთ. ამდენი ხნის მანძილზე ვერ მოახერხეთ გამართული სისტემის შექმნა, პრობლემებს მოუმზადებელი შეხვდით და ამ ყველაფერს ვერ უმკლავდებითო...
"ბიძინა ივანიშვილი „აბაროტის“ აღებას საკუთარი გუნდის წევრებისგან დაიწყებს"

იშრომა filesadmin, 22-09-2015, 08:35


[desktop][/desktop]