აჭარული ხის სოკოს ჩაშუშულით


გაგისინჯავთ აჭარული ხის სოკოს შიგთავსით? დღეს სწორედ ამ უგემრიელესი ხაჭაპურის რეცეპტს მზიანი ბათუმიდან შემოგთავაზებთ.
ბათუმში, გორგასალის №72-ში მდებარე „აჭარული ხაჭაპურის სახლი“ Funtime-ის მკითხველებს ექსკლუზიურ რეცეპტს სთავაზობს:

მასალა ერთი აჭარული ხაჭაპურისთვის:
საფუარიანი ცომი - 300 გრ.
ხის სოკო - 150 გრ.
ფქვილი - 250 გრ.
ზეთი - 20 გრ.
მწვანილები: ქინძი, ოხრახუში, პიტნა, ტარხუნა - გემოვნებით
მარილი - გემოვნებით
ხის სოკოს მომზადების წესი:
წვრილად დაჭრილი ხახვი მოთუშეთ ზეთში და დაამატეთ კარგად გარეცხილი ხის სოკო.
როგორც კი მოითუშება, დაამატეთ წვრილად დაჭრილი ქინძი, ოხრახუში, პიტნა, ტარხუნა და მარილი გემოვნებით. გააგრძელეთ მოთუშვა და, დაახლოებით, 5-7 წუთის შემდეგ გადმოდგით გაზქურიდან.
ცომში ჩასადები შიგთავსი მზადაა.

ხაჭაპურის მოზადების წესი:
დაყარეთ მაგიდაზე ფქვილი.
ზედ გაათხელეთ ცომი სიგრძეზე, ისე რომ ორივე ბოლოში ცოტა სქელი ფენა დარჩეს.
ნაპირზე წრიულად შემოუწყეთ ჩაშუშული სოკო და გადაახვიეთ ორივე მხრიდან.
მიეცით ცომს ნავისებური ფორმა.
გაუფართოვეთ შუაგული და ჩადეთ შიგ ხის სოკოსგან მომზადებული მასა.
გადაიტანეთ „ჟარონაზე“ და შედგით 300 გრადუსზე გაცხელებულ ღუმელში.
10-15 წუთის შემდეგ, სანამ ცომი დაიბრაწება, გამოიღეთ ღუმელიდან, ამოაცალეთ ზედმეტი ცომი და კვლავ დააბრუნეთ ღუმელში, დაახლოებით, 3-4 წუთით.

შენიშნვა:
ღუმელში შედებამდე ცომს აუცილებლად გადაუსვით ფუნჯით წყალი.
მომზადებულ ხაჭაპურს გვერდებზე წაუსვით ცოტა კარაქი.
ამ უგემრიელესი ხაჭაპურის მოსამსახდებლად 20 წუთი და 3 ლარი დაგჭირდებათ.
იშრომა alfa, 8-08-2015, 05:05